Яко цветы и плоды к Стопам Твоим божественным, о Спасителю, земля Арморийская в благодарение приносит молитву тех, иже возжгли ю во Имя Твое. Сих предстательством, молитв ради без семени рождшия Тя, и блаженныя матери Ея Анны, храни землю сию в верности Имени Твоему, и мир подаждь верным, Тя славящим, во веки веков.

Святии угодницы Божии Мало, Бриег, Тюгдуаль, Поль, Корантин, Патэрн и Самсон, вы есте учителие несведущих, утешителие скорбящих, водителие заблудших, пастырие верно чтущих вас. Церкве седмь столпов недвижимых, седмь духоносных гласов, седмь светильников, освещающих землю Армор, юже в жертву принесли суть, яко дар благоуханный. Апостоли и святители бретонския, молите милостиваго Бога о чтущих память вашу.

Венче ирландских монахов, святый отче Коломбане, просветил еси Запад трудами твоими и души наша поучении озарил еси. Моли Христа Бога низпослати нам, якоже и тебе, благодать отринути вся, иже отлучают ны от Него, да обретем радость славити Его во веки веков.

Святителю отче Патэрне, свидетель бяше милосердия Христова посреде тяжкосердаго мира. Преуспел еси в добродетелех, гоним бяше за Имя Спасителя, обаче не разомкнух уст, егда напрасно вину на тя возводиша. Во всем житии твоем был еси для овец пастырем добрым во образ Божественнаго Учителя твоего. Святый угодниче Божий, отче Патэрне, моли Бога о нас да низпослет нам дар терпения, милосердия и велию мудрость Свою.

Наставниче монахов и королю помощниче, о святый Геноле, ты бяше един от триех лучей благодати Божией, иже освяти Корнуай. Неутомимый подвижниче, ты принесл еси во всякое место слово Спасителя Человеколюбца. Моли нерпестанно Бога спастися душам нашим.

Апостоле бретонцев и истинный последователю Христов, возвестил еси Слово Учителя твоего в землях западных. Трудниче неутомимый, на острове боролся еси противу приступов вражеских и доблестно поверг еси пагубнаго змия. Ты еси образе праведнаго жития святительскаго, мы же величаем тя блаженнаго отца нашего яко перваго пастыря Леона. Моли Христа Бога нашего да спасет души наша.

Величаем тя, святый угодниче Божий, отче Бриег, Церкве зиждителю и Православия столпе незыблемый, Дух бо Святый венча тя огнем по образу Апостолов Христовых. Просветителю Пантьевра, образе монахов, украшение пастырей, положил еси начало веры и милосердия во языцех. Святыми молитвами твоими возрасти в сердцах наших веру безстрашну, милосердие нельстиво, любовь целомудрену во спасение душ наших.